App

Kuhusu Mbio za NBC

Tunayo furaha kuandaa mbio hizi za nyika ambazo zinatarajiwa kufanyika siku ya Jumapili tarehe 22 mwezi wa Novemba mwaka 2020. Mbio hizi zinatarajia kuwakaribisha washiriki 3000 kutoka katika kada ya wanariadha wenye uzoefu na wale wanaochipukia kona mbalimbali za nchi. Mbio hizi zitahusisha umbali wa Kilomita 42, Kilomita 21, Kilomita 10 na Kilomita 5. Nia na dhumuni la kuandaa mbio hizi ni kukusanya fedha kwa ajili ya kusaidia mapambano dhidi ya saratani ya mlango wa kizazi nchini. Saratani hii ni hatari sana kwa wanawake ambapo zaidi ya 85% ya vifo vyake vinatokea kwenye nchi zinazoendelea ikiwemo Tanzania. Lengo kuu la mbio hizi ni kusaidia kupunguza idadi ya vifo vitokanavyo na saratani hii. Katika kufanikisha hili tunashirikiana na Taasisi ya Saratani ya Ocean Road iliyo chini ya Wizara ya Afya. Vile vile katika kufanikisha hili tunashirikiana na Riadha Tanzania ambao ndio wenye dhamana ya kuratibu na kusajili mbio hapa nchini zikiwemo zile za nyika.

Usajili

Kujisajili, fungua ukurasa ya NBC Marathon na kisha fuata maelekezo.

Ili kuweza kujiunga na matukio ya NBC, unatakiwa kuweka taarifa zako.
Kujisajili, bonyeza sehemu iliyoandikwa “Usajili” au fungua ukurasa wa Marathon na kisha bonyeza “Sajili sasa”.
Jaza taarifa zako binafsi (jina lako kamili, uraia, mkoa, nambari ya simu, barua pepe, jinsia na siku ya kuzaliwa).
Jaza maelezo ya tukio kwa kuchagua tukio unalotaka kushiriki pamoja na kujaza saizi ya t-shirt, namba ya kitambulisho, jina la timu (sio lazima) na namba ya dharura.
Soma vigezo na masharti.
Kubaliana na sheria na masharti kisha bofya “Sajili”.
Fanya malipo ya NBC Marathon kwa kutumia “NBC Kiganjani” au “Mobile Money”.
Kwa kila njia utakayochagua kufanya malipo utapewa maelekezo jinsi ya kukamilisha malipo yako.
Utapokea uthibitisho wa malipo yako na namba ya tiketi kupitia ujumbe mfupi kwenye simu yako.

Wasiliana Nasi

Mawasiliano

Simu:
+255 76 898 4000
+255 22 219 3000
+255 22 551 1000

Barua Pepe:
contact.centre@nbc.co.tz